|
|
Dhinawan bulaarr Burraalga |
|
Dhinawan bulaarr Burraalga
yanaylanhi wudhugaagu. Ngaarringa mawugilanhi. Bulaarruu burrulaagu
gaaynggal. Maalu winanganhi, yiyali[?] ngurragu yanawaandaay. Yaluu
ngamilaangindaay ngaarrima Burraalga ngarrinyi. [Note: The word yiyali
is not understood with our current knowledge of Gamilaraay.] |
|
Burraalgagu
gagay: "Dhalarra nginu gaaynggal?" |
|
[Dhinawan:] "Aa, bumay."
|
|
[Burraalga:] "Minyagu?" |
|
[Dhinawan:] "Gamila wuudhaylandaay." |
|
[Burraalga:] "Ngarragaa, minyagu?" |
|
[Dhinawan:] "Aa, gamila wuudhaylandaay
dhuwarr minya". "Ngindabula guliirr guwaala, dhayala, bumalaabaligu."
"Gaminda burrulaa wuudhaldaygu." "Ngalingundi dhuwarr garraldanha." |
|
[Burraalga:] "Giirr, ngaya guwaay
guliirr ngay." "Yaama ngali bumali gaaynggal gulbirri[?]." "Minyagu
ngalingundi garraldanha minyaminyabal?" [Note: The word gulbirri
is not understood withour current knowledge of Gamilaraay. |
|
[Burraalgagu guliirr:] "Ngaa, giirr,
bumali gaaynggal burrulgalgaa." (The next day the female brolga meets
the emu woman again while food gathering.) |
|
[Dhinawan:] "Yaamagarra?" |
|
[Burraalga:] "Ngaa, giirr, bumalaabay,
giirr. " "Nhadjil bulaarr yiyal gaawaanha." |
|
[Dhinawan:] "Aa, giirruumay?" |
|
[Burraalga:] [this sentence is very
uncertain] "Marrabadhaay yanayanaylay." |
|
[Dhinawan:] "Marradhaay dhurrali
gaaynggalgalgaa." |
|
[Dhinawan:] [this sentence is very
uncertain] "Yalaygu marrabadhaay ngaya burrulaa gaaynggal gaagi." |
|
Ngiimabalanga yananhi burraalga.
Ngayrr dhalaa ngaarri wiylanhi. (The brolga was very sad at being
tricked into killing her children. She remains away twelve months
and returns. She sees the emu walking about gathering food as before.)
|
|
[Dhinawan:] "Ngaa, dhalaawaanda ngaarridha wiylanhi?"
|
|
[Burraalga:] "Uu, ngiilay minya
yanawayinyi gamil winangangayaligu." (The brolga woman is feeding
with her mouth, her arms are hidden behind her back. She is acting
a part to trick the emu.) |
|
[Dhinawan:] "Ngaa, minya dhaldanhi?" |
|
[Burraalga:] "Aa, baawaadhi, aa,
maayrrngay bungun ginyi, garralwayinyi." |
|
[Dhinawan:] "Minyagu?" |
|
[Burraalga:] "Yalaybadhaay marra
dhaldaygu, bungundhalibaaga." |
|
[Dhinawan:] "Ngaayay." |
|
[Burraalga:] "Ngindabadhaay bungun
garangiiliyaa." |
|
[Dhinawan:] "Minyagu wara[?]?" [Note:
The meaning of wara is not known.] |
|
[Burraalga:] "Uu, marrabadhaay dhaldaynda,
yalay ngaya." |
|
[Dhinawan:] "Ngaa, yilaalabadhaay
yanawuwindaay." "Giirr! Dhayalamiy guliirr ngay wayrra[?] guwaali
'giirruu.'" [Note: The meaning of wayrra is not known. |
|
[Dhinawan.gu guliirr:] [Emu's husband]
"Ngaa, giirr. Garrangayalaygu, dhurrawuwingindaay yilaala." |
|
Gulibaaga yaraayganda. [Burraalga:]
"Yaama garrangayay?" |
|
[Dhinawan:] "Giirr bungun garrangiilinyi." |
|
[Burraalga:] "Ngaayay! Ngayabadhaay
baragiylay. "Dhawunda yanaylay." "Ngayabala barray, bungunbaraay." |
|